Зураб Куччаев хьунаавкьунни Хьурттал ва ХьурукIуллал жяматращал. Хьунабакьаврий гьуртту хьунни райондалул бакIчинал цалчинма хъиривчу Абубакар Къюннуев, райондалул собраниялул хъунама Явсупи ХIамзаев, идарарттал каялувчитал, шяраваллил депутатътал ва актив.

Хьурттал шяраваллил бакIчи Сурхай Бариевлул бувсунни шяравусса тагьардания. Ххал бигьлагьисса агьамми масъалартту бия: агьалинал ишла дуллалисса аьрщи кадастрданул сияхIрайн ласаву; хIачIайсса щин диял хъанай дакъашиву; аьрщи арендалий дулаву; цIусса ФАП къуртал бансса чIун ккаккан даву ва цаймигу.
Гьарцагу масъалалул ялув райондалул бакIчинал бигарду бивхьунни цала хъиривчутурай ва идарарттал каялувчитурай.