Республикалул шяраваллил хозяйстварттаву, лазуни дуваврищал, ссуттилсса ттихIлахIисса чIунгу дуркIун дур. ХIакьинунин, ца гектардания ларсъсса 23 центнер хIисав дурну, 49 азаллий 500 тонна къалмул ттирхIуну дур.

Аьмну хIисав дурну 21 азарда гектар хъуруннал ттирхIуну дур. Вай давуртту нанисса районнаву хьхьичIминнувух дур Хасавюртуллал (17 азарунниха лирчусса тонна), Нугъайнал (6 азарунниха лирчусса тонна) ва Къизлардал районну (6 азаруннийн къадирсса тонна).
Шиккува кIицI лаган, гьашину республикалий 205 азаллий 200 гектар хъуруннал дургьуну дусса дур. Кьамул дурсса пландалийн бувну, лачIал дургьуну дусса дур 2 азарда га, хъалул – 15 азарда га, нехълул – 3 азарда га, шагьнал лачIал – 23 азарда га, ппиринжрал – 16 азарда га, личIи-личIисса хъюруврал – азарда га, хъахъи тIутIул – 9 азаллий 400 га, ахънилсриннул – 42 азаллий 700 га, нувщул – 21 азаллий 500 га, чIярушиннардий ххяххайсса ххя­ххиярттал – 27 азаллий 900 га, ца шинай ххяххайсса ххяххиярттал – 33 азаллий 900 га, бахчардал – 8 азарда га ва цайми-цаймигу культурардал – 1800 га.

З. АьбдурахIманова