Дагъусттаннал районнал щархъаву цIана яла ка цIаравусса чIун дур. ХIакьинунин ДР-лул Шяраваллил хозяйствалул министерствалул Растениеводствалул ва аьрщарал иширттал управлениялул бусаврийну, 545 азаллий 212 тонна хъала лазундарал хIадур дурну дур.
Вайннува ларгсса шинал ва чIумуйннин хIадур дурну диркIсса лазундарал 20 тонна ххишалассар. Дяркъурду хьуннин республикалул хозяйстварттал ттигу дишинтIиссар нухьхьал, сенажрал, силосрал сурсатру. Масалдаран, цIананин ххалал 509 азаллий 657 тонна дирхьуну дур, сенажрал – 26 азаллий 715 тонна, нухьхьал – 8 азаллий 840 тонна. Вай дакъассагу, атилсса лазундарал 1916 тонна дирхьуну дур.
КIинттулнин ххуйну хIадур хъанахъисса, хIарачат буллалисса районнавух дур Къизлардал (66 азарунниха лирчусса тонна), Хасавюртуллал ( 63 азарунниха лирчусса), Бабаюртуллал (46 азарунниха лирчусса) ва Табасараннал районну (40 азарунниха лирчусса тонна).
З. АьбдурахIманова
