МахIачкъалалив ДР-лул «Ситуационный центр» ГКУ-лий хьунни ДР-лул Халкьуннал Мажлисрал Законодательствалул, законшиврул, паччахIлугърал дузалшиндарал, кIанттул цилакаялувшиврул ва Регламентрал комитетрал кьатIувсса (выездное) заседание.

БатIаву хьунни комитетрал председатель Артур Исрапиловлул каялувшиврий. Заседаниялий гьуртту хьунни депутатътал, инсаннал ихтиярдал вакил Запир Алхасов, Дагъусттаннал МЧС-рал министр Нариман КазиахIмадов, «Служба–12РЛ» ГКУ-лул каялувчи Жамбулат Багов, «Центр ГOи ЧС» ГКУ-лул каялувчи Руслан МахIаммадов, ДР-лул транспортрал ва ххуллурдал хозяйствалул министерствалул, ДР-лул Юстициялул ва МВД-лул министерстварттал вакилтал.
Артур Исрапиловлул ДР-лул Халкьуннал Мажлисрал председатель Заур Аскандаровлул тапшурлугъ бартдигьлай, Нариман КазимахIаммадовлун дуллунни «30 лет Народному Собранию Дагестана» тIисса медаль.
Яла бавтIминнал ххал диргьунни цаппара законнал проектру. Миннувух дия ва сессиялий цалчин дурккуну, ххал дигьин аьркинсса «О внесении изменений в статью 9 Закона Республики Дагестан «О бесплатной юридической помощи в Республике Дагестан» тIисса закондалул проект. Муния ихтилат бувсса Запир Алхасовлул бувсунни закондалул проектрал ккаккан бувну бушиву инсантуран уквасса юридий кумагру буллан.
Яла депутатътурал ххал диргьунни «О внесении изменений в статью 35 Закона Республики Дагестан «О статусе муниципальных образований Республики Дагестан «О статусе муниципальных образований Республики Дагестан, «О внесении изменений в статьи 35 и 51 Закона Республики Дагестан «О государственной гражданской службе Республики Дагестан» тIисса законнал проектру, мигу ласунтIий дур ДР-лул Халкьуннал Мажлисрал Президиумрайн, 50-мур сессиялий ххал бигьинсса масъаларттавун.
Депутатътурал ххал диргьунни, Комитетрайн ххал дигьин гьашину ноябрь-декабрьданий дуркIсса, мяйра федерал закондалул проект. Миннувату мукьра закондалул проектрацIун кабакьин ккаккан бувну бур, лирчIми мукьра– кьамул къадан.
Заседаниялий ххал бивгьунни цаймигу масъалартту.