Декабрьданул 11-нний хьунни Сиражуттин Илиясовлул аьпалун ва Лакрал футболданул Кубокрал 10 шин шаврин хас бувсса лакрал интеллектуалтурал командарттал тIуркIу. Муний гьуртту хьунни 9 команда.

Темарду дия укунсса: Сиражуттин Илиясовлул оьрмулул хIакъиравусса, Лакрал шяраваллал футболданул Кубокрал, Лигалул ва дунияллул футболданул тIуркIурдацIунсса, Лакку улклул шяраваллал тарихрацIун дархIусса. Командарттал жавабирттан баллу бивхьунни экспертътурал. Сакиншиндарал комитетрал баян бунни тIуркIулул хIасиллая:
1-мур кIану бувгьунни Сакиншиндарал комитетрал командалул, 2-мур – Хъусращиял, 3-мур – Карашрал, 4-мур – Ххутиял, 5-мур – Уручуллал, 6-мур – Аксакалтурал, 7-мур – Читтурдал, 8-мур – Ххюлуссуннал, 9-мур – Ккуллал.

ХIасан Аьдилов