Гьашинусса шинал ЦIуссалакрал райондалийсса ЦIуссаккуллал ва Чараваллал шяраваллаву бакьин бувну бур 800 метралул манзилданийхсса ххуллурду.
Вай, бух хьусса асфальтгу бизан бувну, ххюлул ва къундалул чIангу даркьуну, кIира къат асфальтрал ва бетондалул даркьуну, цIу буккан бувну бур. Му бакъассагу, ххуллурдай дирхьуну дур цIусса разметка. КIицI ларгсса давуртту дурну дур Аьрасатнал Виричу Х. Мурачуевлул ва С. Висхановлул цIанийсса кучардай.
– Жуща гьашинусса пландалийн бувну ЦIуссалакрал райондалий дан ккаккан дурсса давуртту цила чIумуй къуртал дан бювхъунни. Вай цинярдагу ххуллурдай мюхчаншиву дуруччаврил цIанийссар. Гихуннай укуннасса давуртту дуллантIиссар райондалул цайми шяраваллавусса ххуллурдайгу, – увкунни МаматIи ХIамзатовлул.

Имара Саидова