Лакрал райондалул цIуну увчIусса бакIчи Зураб Куччаевлул цалчинсса зузи кьини дайдирхьунни Гъумучиял детсадирттал ялтту уккаврия. Детсадрал къатравун уххайхтува ванал идаралул зузалтрай дюъ дирхьунни ихтилат лакку мазрай буллан.

Муния махъ ялтту увккунни пищеблокрал, ххал дурунни дукиялул качество, ми цукунсса шартIирдай сахла дуллай буссарив. Хасъсса къулагъас дурунни санитар кьараллу дуруччаврих. Тарбиялул даврил ялув жап увкунни тарбиячитуращал, ххал бувунни музыкалул ва спортрал заллу, миннул щаллушинна.
«ОьрчIан экологиялул чулуха марцIсса дукра дузал даву ва мюхчаншиву дуруччаву, дарсирдансса ва бигьалаган къулайсса шартIру дузал даву хьхьичIххуттай дикIан аьркинссар», – увкунни райондалул бакIчинал.

Зулайхат Тахакьаева