Хасъсса аьралий операциялий ватандалул мурадру буручлай, чувшиву ккаккан дунни цикссагу ЦIуссалакрал райондалиясса жагьилтурал.Чансса бакъар вайннаву хушрай лавгссагу.
– На нава рязийну лавгра хасъсса аьралий операциялийн. Ттул кулпатравумигу ттул хIукмулуцIун бавкьунни. Аьралийтурал дакIру тирх учин дай оьрчIая бувкIсса чагъардал. Цинявппа лагма лавгун, ккалан бикIару. Вайннал дакIнийхтуну чивчусса махъру жун хъинну асар шай,– тIий ур ЦIуссалакрал шяравасса Имам Аьлиев.
Уттигъанну Имам ТIагьировичлун дуллунни «Хасъсса аьралий операциялул гьурттучинан» тIисса Обороналул министерствалул медаль. Ванал награда барча дунни ЦIуссалакрал райондалул бакIчи МаматIи ХIамзатовлул.
