Вай гьантрай Дагъусттаннал Жяматийсса палаталул ирглийсса гуманитар гьиву тIайла дурккунни СВО-лул кумагран. Ва давриву гьуртту хьунни кIицI лавгсса палаталул вакилтал ва меценатътал. Гьиву тIайла дуккан бувккун бия Жяматийсса палаталул каялувчи Аьзизбек Черкесов, ванал хъиривчу Ссапарбаг Аьбдуллаев, ЖП-лул Ветерантурал, аьралийтурал ва миннал кулпатирттал иширтталсса буллалисса комиссиялул хъунаманал хъиривчу МахIаммадрасул Сулайманов ва палаталул Аппаратрал каялувчи Ислам МахIаммадов.

Ва ххуллухь СВО-лийн тIайла дурксса гьивулуву бур меценат МахIаммад Закираевлул буллусса машина «Шевроле Нива», рациярду, аккумуляторду, чятирду, даруртту, электрогенератор ва гъилисса лултту янна.
ЛичIи-личIисса жяматийсса ккураннал, волонтертурал, районнал ва шагьрурдал администрациярттал ка-кумагращал уртакьну утти ва мяйлчинсса гьивур Жяматийсса палаталул тIайла дуклакисса. Цахъис хьхьичI вайннал гьан бувссия тихун автомобильлу УАЗ «Буханка», УАЗ «Патриот», генераторду ва цаймигу аьркин дагьлагьимур.
– Ссут дуркIунна дур, дяркъу хьунура дур, Ватандалул мурадру буручлачисса чиваркIуннан дучIи лякъинмур тIайла дуккаврийну жува граждан буржруру, инсаншиврул буржруру биттур буллалисса. Аьрайцириннан, дяъвилул цIараву аякьа бусрав къархьуну къаличIайссар. Жувагу дакI цIуцIаврий бушиву ккаккан буллан аьркинссару иширттайну. ЧIарав бацIлацIимигу чансса бакъар, аьмсса ка-кумаграл, цашиврул цIакьгу, биялагу личIиссар. Жува, агьалийгу, аьралийциригу куннал кув бувгьуну къуццу тIутIаврийну кIункIу тIутIиссагу ххувшавричIанну, – тIий ур Ссапарбаг Аьбдуллаев.

ПатIимат Рамазанова