ЖучIава кIилчин хъанахъисса Дунияллул халкьуннал дянивсса «Устойчивое развитие горных территорий» тIисса зунттал форум щаллу хьунни МахIачкъала шагьрулул хъун майданнивсса хъуннасса концертрайну.

Ва сакин дурну дия Республикалул Халкьуннал творчествалул къатлул ва Культуралул министерствалул. Форумрай гьуртту хьун личIи-личIисса кIанттурдая бувкIминнан жулла республикалул балайчитурал ва къавтIалтрал ккаккан дунни зунттал билаятрал халкьуннал авадансса культура.
Бусравсса тамашачитуравух бия БРИКС-рал билаятирттал Дунияллул халкьуннал дянивсса форумрал президент Пурнима Ананд ва Дагъусттаннал культуралул министр Зарема Буттаева.

Концертрай гьуртту хьунни жулла республикалул хьхьичIунсса творчествалул коллективру: «Дагъусттан», «Эхо гор», «Поющая Чарода», «Айланай», «Волна» ва чIявусса цаймигу. Мукунма Дагъусттаннал паччахIлугърал филармониялул артистъталгу.

Бадрижамал Аьлиева