Барз байбихьлай бур Зунттал форумрая: региондалул бакIчи гьуртту хьунтIий ур шанна кьинисса программалий. Микку дикIантIий дур хьунабакьавуртту, рязишиврул кьутIирдай къулбасру даву, выставка-ярмукIа, планер заседание ва цаймигу мероприятияртту. Хъамал букIлан бивкIунни республикалийн, бучIантIий бур федерал каялувчиталгу.

Му бакъассагу, Сергей Меликовлул властьрал федерал органдалул каялувчинал вакилнащал цачIу тIитIинтIий бур госпиталь. Вара кьини машинарттал кIулли дулунтIий дур СВО-лул инвалидсса ветерантуран.
Республика чялишну гьуртту хъанай дур социал программартту бартдигьавриву. Региондалул бакIчинал цIусса квартирардал кIулли дулунтIиссар аварийсса тIювардава бизлазисса кулпатирттан.
Цаппара мероприятияртту, миннувух хьунабакьавуртту ва федерал батIавуртту ва зуруй хьунтIий дур Москавлив.
Тахо-Годил цIанийсса Национал музейрал 100 шинал юбилей дуллай бур, республикалул бакIчинал наградартту дулунтIий ур хьхьичIунсса зузалтран.
ДакIний личIансса мероприятияртту хьунтIий дур Ккавкказуллахлусса талатавриву совет аьралуннал немец-фашистътурал аьрал ххит буккан баврил савлугъран.

ХIадур бувссар ХI.Аьдиловлул