Дагъусттаннай цIинцI дичайсса контейнерду ва ми дишайсса кIанттурду биялсса бакъашиврул масъала захIматсса бур.
Республикалул ТIабиаьтрал луртаннал министерствалул ккаккиярттайн бувну, диялну дакъар 16 азарда контейнер ва 3 азаллийсса ми дишайсса кIанттурду.
Тагьар хъиннура захIматну дур зунттал районнай. Дагъусттаннал тIабиаьтрал луртаннал министр Ратмир Расуловлул бусаврийну, республикалул циняв районнал цIакь дурну дур контейнерду дишинсса кIанттурду дузал баврил «ххуллул картарду».
Амма цаппара муниципалитетирттал планнаву ккаккан дурну дакъар ми давуртту бартдигьаврил чIун. Каспийскаллал давуртту нани дурну дур графикрацIун даркьуну.
Министрнал бувсунни, мукунма 2025 шинал диял къахъанахъисса контейнерду ласун итабакьинтIий бушиву 160 млн къурушрал.
ХI.Аьдилов