Дагъусттаннал ЦIуллушиву дуруччаврил министерствалул баян бунни, водительнал права ва ярагъ ласунсса ихтияр дуллалисса медсправкарду дуллантIисса пунктру ххи бувшиву республикалий. Уттинин укунсса пунктру буссия МахIачкъалалив, тти Дарбантлив, Къизлардай ва Хасавюртливгу тIивтIуссар.

Минздраврал пресс-службалул баян бувсса куццуй, вай цIусса пунктру тIивтIуссар «Формирование комфортной городской среды» тIисса проект бартдигьаву мурадрай. Инсантал медсправкардал хъирив мудан МахIачкъалалив къазананшиврул.

Вава пресс-службалул баян бунни, гьашину октябрь зурул 1-ннин зунттавугу тIитIинтIишиву справкарду дулайсса пунктру. Масалдаран, Лаващиял ва Къарабудахкантуллал­ районнай. Агьалиная ЦУР-данийн чIявусса аьрзри букIлай бусса бур справкардал хъирив МахIачкъалалив занан багьлай бур тIий. Машинарттал ва ярагъуннил заллухъру хьун ччиссагу чансса бакъахьувкун.

Лаващиял райондалий цIусса пункт тIитIаву Лакрал ва Ккуллал районнал агьалинан къулайшиврунсса хьунтIиссар.

ПатIимат Рамазанова