Вай гьантрай Ингушетиянаву «Мужички» тIисса спортрал центрданий хьунни «Таргим-2025» тIисса цIанилусса щалвагу Аьрасатнал жагьилтурал форум.
Шикку гьуртту хьунни Аьрасатнал билаятраясса 160 инсан. Дагъусттанная ва форумрай гьуртту хьунни ЦIуссалакрал райондалул Жагьилтурал политикалул, культуралул управлениялул, спортрал ва туризмалул методист АхIмадин ХIасанхIусайнов.
Форумрал даву хIасул хьуну дия мукьва бутIуя: жагьилтурал туризм, жагьилтурал ишбажаранчишиву, патриотика ва бучIантIимунил технология.Жагьилтурал масъалартту ххал бигьлагьисса мукьвагу бутIуву гьуртту хьунни 30-35 инсан.
Ва хьунни билаятрал жагьилтал куннащал кув хьунабакьин бансса, агьамшиву дусса проектирдал даврил опыт кIибачIинсса ва ялун нанисса ник патриот зумуну тарбия даврин кумагрансса форум.
Имара Саидова
