Аьдатравун багьсса куццуй «Гъи зунттаву» тIисса оьрчIансса Дялахърулул центр гьашинугу тIивтIунни ЧIарттал шяраву. Гьашину арилчинсса шинни шикку центр тIитIлай.

Шадлугърал мажлисрай ихтилат бунни проектрал сиптачи ва сакиншинначи, чIярусса шиннардий ва давриха зузисса ЧIарттал шяравасса Калеб Шмидтлул, проектрал попечитель, Сургут шагьрулийсса Цифра клиник стоматологиялул сетьрал директор Альбина Шамиловнал, нитти-буттал комитетрал вакилтурал, шяраваллил хъунисриннал.
Ва проектрал кIункIу буллай бур шагьрулул оьрчIру буттал шяравун, шяравуминнахьхьун тIурча, ххуйсса сант дириллай дур, личIи-личIисса творчествалул давурттаву гьуртту хъанай, цала гьунарду итххяххан бансса. Шикку цIакь шай шагьрулул ва шяраваллил оьрчIал дянивсса дусшиву. Вай центрдая хъунмасса мюнпат бур оьрчIан ва кумаг хъанай бур нитти-буттан.
Цахъи махъ, август зурул байбихьулий, укуннасса центр тIитIинтIий бур Ккурккуллал шяраву.

Андриана Аьбдуллаева