Жула лаккучу Ибрагьим Ибрагьимовгу лайкь хьунни мусил медальданун

Июньдалул 27-28-нний Москавлив хьунни лачIун буккаврил Аьрасатнал чемпионат. Дагъусттаннал лачIунбуккултрал арамтурал дянив дурххунни урчIра мусил медаль ацIуннива. КIира мусил медаль дурххунни душварал командалулгу. Республикалул лачIунбуккултрал дурххунни цинярдагу кьуния мяйра медаль.
Мусил медаллу дурххунни Ибрагьим Ибрагьимовлул, Муса Мехтихановлул, Заур Угъуевлул, Имам Ганишевлул, АхIмад ХIусмановлул, Ибрагьим Кьадиевлул, ­Аманулла ХIажимахIаммадовлул, Аьбдурашид Сяъдуллаевлул, Аьбдуллагь Кьурбановлул. Душварал командалува – Екатерина Вербинал ва Ксения Бураковал.
Арцул медаллан лайкь хьунни Муслим Мехтиханов, АьппасхIажи МахIаммадов, МахIаммад ДибирхIажиев, Мохмад Насирхаев, МахIаммад Кьурбанов, Елизавета Смирнова.
Чарвитул медаллу ларсу­нни Абубакар Муталиевлул, Рамиз ХIамзатовлул, Рамазан Ферзаьлиевлул, АьбдурахIман ТIалхIатовлул, Кьурбан Шираевлул, МахIаммадмурад ЯхIияевлул, Аманулла Расуловлул, АсхIаб Сяъдуллаевлул, ­Шамил Мусаевлул, Наталья Прокопьевал, Вусула Парфиановичлул.

ХIасан Аьдилов