МахIачкъалалив Гагариннул цIанийсса кIичIираву чIяву квартирарду бусса №54 къатраву ООО «Строитель» тIисса подрядчиктурал организация цIу дуккан дуллай бур ччурччусса магъи.

ХIакьинусса кьини 10-15% давурттал дурну дур. Къатрал магъи ччяни дакьин даву ва заллухъруннал квартирардан зарал къабияву мурадрай, хIукму хьуну бур къатри капремонтрал программалувун дичин. Подрядчиктурал бусласимунийн бувну, хIарачат бантIий бур магъи шайссаксса ччяни дакьин дан, квартирардан гъараллая ва мурчая зарал къабияншиврул.
– Ччурччуну дур дачIи магъи, мунияту ва щалла ­дакьин ­дуллан багьлай бакъар. Дуллалисса давурттал мониторинг даву мурадрай, Фондрал техникалул отделданул зузалт ччя-ччяни бучIайссар объектрайн, – тIий ур Фондрал каялувчи Нажмуттин Ханбалаев.
ДакIнин бутан, 2025-ку шинал апрель зурул 2-нний ччурччуссия кIицI ларгсса къатрал дачIи магъи. Инсантурал цIуллу-сагъшиврун зарал къавхьуссия. ЦIу ларчIун дия токрал ххаллу саргъунну дакъа ва интернет дуцаву багьана хьуну.
Андриана Аьбдуллаева