Хъун ЦIувкIуллал шяраву
Ялув-Лявкъур аьрщарай
АьнтIикIа кунма бури
Жул ххирасса учкъула.

Буккингу лахьхьин бувсса,
Чичингу лахьхьин бувсса
Жул ххира учительтал
Аьпалухьхьун лавгунни.

Жул цалчинсса учитель –
Закиръяхъал Гъазали.
Калассрал каялувчи –
Бакрихъал НурмахIаммад.

Учкъулалул хъунмагу –
Бакри МахIаммадал арс.
ХIасанхIусайн ва НухIгу,
Нажмуттин ва Гьарунгу.

Оьрус мазрал учитель
МахIаммадрамазангу.
Чил маз лахьхьин бувайсса
Ссаламхъал МахIаммадгу.

Вай бакъасса, цаймигу
Жул ххаллил учительтал
Алжаннул ххари баннав,
РухIру хъинний дишиннав!

ХхюцIалла шин ларгун махъ
ЦачIун хьуру цIунилгу.
Яру пиш тIий бунугу,
ДакIру гъапулну дия:

ХьхьичIва кунма, чIявусса
ОьрчIру, душру бакъа тIий,
ХьхьичIва кунма, тяхъасса
ЧIурду чанну буну тIий.

Ярби Абакарова,
архIал дуклай бивкIминнавасса ца