Вай гьантрай цалва оьрмулул 85 шинал юбилей кIицI ларгунни захIматрал ветеран, Аьрасатнал Федерациялул бусравсса машиностроитель, Хъунатусса Буттаев Закир Шяпинал арснал.
Закир ур цалва миллатрал ва республикалул хIакьсса патриот – хIакьину хъанахъимунил ва гьунттий хьунтIимунил ялув пикрилийсса, кулпатран – ххаллилсса заллу, гъан-маччаминнан ва дустуран – личIлулсса, вихшала дишинсса гъанчув ва дус.
1967-ку шинал Москавуллал авиациялул институтгу къуртал бувну, Закир увкIссар МахIачкъалаливсса «Авиаагрегат» заводрай зун. Шикку ванал 40-нния лирчусса шинну дурссар инженерну, отделданул начальникну зий. АцIнияхъайсса шиннардий ивкIссар ва заводрал 3 азарунния ливчусса зузалт бусса коллективрал профкомрал председательну, мукуна цайми-цаймигу жяматийсса давурттай. ДакI марцIну бувсса захIматрахлу, ларай кIицI ларгсса цIардан акъассагу, лайкь хьуссар цайми-цаймигу наградарттан, ДАССР-данул ПаччахIлугърал Советрал ХIурматрал грамоталун.
ХIурмат лавайсса Закирдухь оьрмулул юбилейгу барча тIий, чIа тIий буру оьрмулия ххарину занансса, зунсса, цанма ххираминнал дянив цIуллуну дичинсса чIярусса шинну.
Кулпатравуми, гъан-маччами, дустал
