Буттал КIанттул цIанийсса Хъунмасса дяъвилий Ххувшаву ларсун 80 шин шаврил байран бюхттулсса даражалий кIицI ларгунни щалагу жула билаятрай. Хьунни жула цIанихсса тарих ва му чивчусса вирттал дакIнин бичлачисса цикссагу мажлисру: «Вахта памяти», «Георгиевская ленточка», «БивкIу бакъасса полк» акциярдая Ххувшаврил Парадрайн бияннин.
ДакI пахрулул дуцIлай, иттав макь дукIлай дия. ДакI дарцIуну бура А. Фадеевлул «Молодая гвардия», К. Симоновлул «Живые и мертвые», Ю. Бондаревлул «Горячий снег», С. Смирновлул «Брестская крепость» ва чIявусса цаймигу дяъвилиясса романнай ва повестирттай, М. Исаковскийл «Темная ночь», А. Сурковлул «Бьется в тесной печурке огонь», М. Матусовскийл «На безымянной высоте», Р. ХIамзатовлул «Журавли», В. Харитоновлул «День Победы» ва цаймигу аьралий балайрдай хъуни хьусса совет идеологиялул тарбия ларсъсса, ттул оьрмулул, ттуяр хьхьичIмур никирал инсантал, миннал оьрчIру, оьрчIал оьрчIру сагъну буссаксса, яхьунтIишиврий жула тарихгу, хъамакъабитантIишиврий жула виртталгу.
Андриана Аьбдуллаева