Вай гьантрай ЧIяйннал шяраву кIицI ларгунни Хъаннил байран. Ванил сиптачину бувккунни Магьирлугърал къатрал хъунмур СалихIат Алхасова. Байрандалун хасну чIюлу бувну бия мероприятие дуллалисса хъун бакъасса зал.
Мажлисрайн оьвкуну бия хасъсса аьралий операциялий арсру гьуртту хъанахъисса ниттихъайн – Аминат Халилбагьовайн, Лиза Кьубатаевайн, учительтурайн ва дуклаки оьрчIайн.
Мажлис байбихьлай, ниттихъул ва душру барча буллалисса ихтилат бунни СалихIатлул.
Хъирив байран барча дуллалисса ихтилатру бунни Аминат Халилбагьовал ва ЧIяйннал школалул учительница Сиянат Рамазановал. Ниттихасса балай увкунни дуклаки душ Амина Жамалуттиновал.
Имара Саидова
