ЧIурду буллуминнавасса чIявуми 96,77% рязину бия Аьрасатнащал цачIун хьун. ЧIурду буллуну бивкIссар 83,1 % агьалинал.
2014-ку шинал мартрал 17-нний Аьрасатнал президент Владимир Путиннул къулбас дурссар «О признании Республики Крым» тIисса ХIукмулий, микку Къирим кьамул бувссар тархъансса паччахIлугъну, Севастополь шагьрулун хасъсса статусгу ккаккан бувну.
2014-ку шинал мартрал 18-нний президент Путиннул, Къиримнал Министртурал советрал председатель Сергей Аксеновлул, Къиримнал ПаччахIлугърал Советрал председатель Владимир Константиновлул ва Севастопольлал бакIчи Алексей Чалыйл къулбасру дурссар Къирим Аьрасатнал Федерациялувун цачIун баврил хIакъиравусса Договорданий.
Яла ва Договор хъин чулий кьамул буссар ПаччахIлугърал Думалул ва Федерациялул советрал.
Договорданийн бувну, Къиримнал Республика ккаллину дуссар Аьрасатнал ца бутIа хIисаврай ганий къулбасру дурния шиннай – мартрал 18-нния махъ.
