ЛачIун буккаврил Дагъусттаннал юниортурал цачIундур командалул СКФО-рал Первенствалий командарттал дянив цалчинмур кIану бувгьунни. Бяст-ччал хьунни Хасавюрт шагьрулий.
ХIамид ХIамидовлул цIанийсса Спортрал къатраву хьусса турнирданий лачIунбувккунни 300 спортсмен 10 категориялул кIушиврий. Миннувасса 7 категориялий ххув хьунни Дагъусттаннал лачIунбуккулт: ХIусайнхIажи СалихIов (57 кило), Адлан Сайтиев (61 кило), Сергей Клименко (70 кило), АьбдурахIман Аьбдуссаламов (74 кило), Юсуп Шаипов (92 кило), МахIаммадхIажи МахIаммадов (97 кило), Шяъван Аьлиев (125 кило).
Бяст-ччаллаву Дагъусттаннал командалул дурххунни цинярдагу 19 медаль, апрельданий Черкесск шагьрулий хьунтIисса Аьрасатнал Первенствалийн миннал ларсунни 29 путевка.
