«Хияллал елка» акциялул лагрулий ЦIуссалакрал райондалул бакIчинал хъиривчу Макьсуд ХIамидовлул мурадирайн биян бунни ЦIуминалийсса Чапаево шяравасса Мисиду.

Гьашину Дякъил ТтаттачIансса цала хияллу бусласисса чагъарду чивчуссар нину-ппу бакъасса, цIуллу-сагъшиврул ссуссукьусса, ахIвал кIюласса кулпатирттавасса оьрчIал, мукунма хасъсса аьралий операциялул гьурттучитурал оьрчIал. Макьсудлул бахшиш дунни Мисидун планшет ва нахIу-нацIу дусса кьуцури.