ЦIусса шинал дайдихьулий ЦIуссалакрал райондалул бакIчи МаматIи ХIамзатовлул барча бунни хасъсса аьралий операциялий жанну дуллусса къучагътурал оьрчIру.
Барча баву хьунни «ЦIусса шин гьарица къатлувун» тIисса акциялул лагрулий. «Защитники Отечества» тIисса фондрал ЦIуссалакрал райондалийсса координатор Оьмар Оьмаевлул райондалийссагу, ЦIуминалийссагу шяраваллавусса 15-нния ливчусса оьрчIан буллунни нахIу-нацIу дусса кьуцуртту. 
