Дагъусттаннай декабрь зурул ахирдания тийнмай капитал ремонтрахсса взносру дуллантIиссар чIявусса квартирарду бусса къатраву ялапар хъанахъисса мадарасса инсантал.
Мукунсса 249 къатри дур. Шивун духлай дур МахIачкъалаливсса, Каспийскалийсса, Дарбантливсса, Избербашливсса, Буйнакскалийсса ва Дагестанские Огниливсса къатри.
Цинярдагу ва сияхIравун дагьлагьисса къатри ххал дан хьунтIиссар Фондрал сайтрай.
ЧIявусса квартирарду бусса къатрал капитал ремонт даврийну шиву ялапар хъанахъисса инсантуран бигьа-рахIатсса шартIру дузал хъанахъиссар. Квартирардал заллухърунная рартIсса взносру ишла дуллалиссар къатраву цинявннал аьмну ишла буллалисса кIанттурду (чурттурду, чардагъру, подваллу, инженер коммуникациярду) бакьин бан. КIицI лаган, капитал ремонтрахсса взносру дулайссар 4 шин ва 11 зурул хьхьичI регион программалувун багьсса къатраву ялапар хъанахъиминнал.
Андриана Аьбдуллаева
