Ростехнадзорданул Ккавкказуллал управлениялул хъунаманал хъиривчу Артур Амутиновлул цачIанма оьвкуну, гьашину ххари бувунни МахIаммадова Аьшурат ва ванил арс ва душ.

Хандулаев МахIаммадлун 11 шин дур, ванан ххирар музыкагу, велосипедрай ссур буллангу. Цувагу, цIуллу-сагъшиврул цIакьсса акъа, хасъсса школалий дуклай ур. Ххюра шинавусса ссин, Фатиман, ххирар музыкагу, суратру дихьлангу. Уссин кунма, ванингу ххирар велосипедрай бигьлан, вагу, МахIаммад кунма, ххуйсса велосипедрал заллу хьун хияллай бивкIун бур. Вайннал хияллу бартлаган кабакьу бунни Артур Амутиновлул, ххуйсса велосипедру пишкаш дурну. Чяйлухун хаварду бувсун, яхши-хаш бувну махъ, МахIаммадлул ва Фатимал ххари-шадну Артур Амутиновлул кабинетравува 2 нигьирай транспортрал хIал ккавккунни.

«Ва «Мурадирал Елка» акциялуву гьуртту шаврийну, оьрчIру ххари баврийну жува ххари хьунсса хIалу дагьлай дур. ОьрчIру ссавур дакъа ялугьлан бикIай ЦIушинал байран дучIаврих, вайннал хияллу дузрайн буккан баву, вайннал дакIурдиву ххуймунийнсса вихшала цIакь дувавур. Ххуймур асар къавхьуну къабикIайссар, ххуймунил, хъинбаларттал мудангу цаймигу хъиншивуртту ялун личин дуллалиссар. Коллегахъащал архIал ва акциялуву чIиви-хъунсса бутIа бишаврияр бусравсса ци дикIанссар, хъинну гъирарай гьуртту шара», – тIий ур Артур Амутинов. Ххи банна, ва акциялуву Артур Амутинов гьар шинах гьуртту шайшивугу.

ПатIимат Рамазанова