Хьхьирил пехоталул кьинилун хасну республикалий най дур Каспийскаллал флотилиялул 177-мур полкрал хасъсса аьралий операциялий талатисса аьралитурансса кумаграл ххуллийсса «Мы своих не бросаем» тIисса акция.

Ва акциялий чялишсса гьурттушинна дунни Лакрал райондалул администрациялул зузалтрал, школардал учительтурал, дуклаки оьрчIал ва вайннал нитти-буттал. ДартIун, тIайла дурккунни хасъсса аьралий операциялий чара бакъа аьркинмур: зия къашайсса дукия, нацIу-кьацIу, гъилисса катIри ва жуларду, виргъант, лултту-ялттусса.
Му бакъассагу, посылкардаву дуклаки оьрчIал бивхьунни цала чивчусса аьралитурал дакIру дувансса чагъарду. Миннуй оьрчIру чIа тIий бур тайннан сагъну-саламатну цала аьзизминначIан зана шаву.
Райондалул бакIчинал хъиривчу Явсупи ХIамзаевлул тIимунийну, акциялувух агьали гьуртту хъанай бур цала хушрай.
Акция ттигу найнна дур, ччиманаща хьун тIий бур хасъсса аьралий операциялийсса талаталтран кумаграл ххуллийсса давривух цащара шайсса гьурттушинна дан.

Зулайхат Тахакьаева