ДР-лул Конституциялул Кьинилун хас дурсса ххаллилсса мероприятие дунни ЧIяйннал магьирлугърал къатрал хъунмур СалихIат Алхасовал. Мажлисрай гьуртту хьунни дуклаки оьрчIру.

СалихIат Алхасовал бувсуна Конституциялул тарихрая ва ванил агьамшиврия.
– Дагъусттаннай Конституция кьамул дурну дур 1995 шинал. Республикалий аьдатравун дагьну дур ва кьини июль зурул 26-нний лахъа-хъунну кIицI лагаву. Ванил проект хIасул давривух гьуртту хьуну бур, Да­гъусттаннал ХIукуматрал ва Конституциялул мажлисрал члентал бакъассагу, ихтиярдалсса буллалисса аьлимтурал ва юристътурал группарду. Байрандалул агьамшивуну дур Дагъусттаннал паракьатшиву ва цашиву дуруччаву мурадрайсса закон кьамул давриву. Конституциялул тIалавшиннагу дур ва закон дуруччаву.
Республикалул ца агьаммур байран барча т1ий, чIа тIий бура цинявннан цIакьсса цIуллушиву, цIу-цIусса хьхьичIуннайшивуртту, – увкуна ванил.
Муданна кунма, ва ххуллухьсса мероприятиялий чялиш­сса гьурттушинна дурна дуклаки оьрчIал. Вайннал дурккуна назмурду ва ккаккан дурна тя­хъасса концерт.