Июньдалул 24-нний Дагъусттаннал бакIчи Сергей Меликовлул ххал бивгьунни террористътурал гьужум бувну бивкIсса диннал объектру.
Дарбантлив Республикалул бакIчинал ххал бивгьуна ххачпараснал Пресвятая Богородицал килиса ва синагога Келе-Нумаз. Шагьрулул бакIчинащал ва килисалул ва синагогалул зузалтращал цачIу Сергей Меликовлул ххал бувна бивсса заралданул даража. Шиккува региондалул каялувчинал ихтилат бувна кIанттул ялапарлувтуращал.
Хъирив МахIачкъалалив Сергей Меликов ивуна Свято-Успенскийл кафедраль соборданийн. Соборданул зузалтрал региондалул бакIчинахь бувсуна хьхьичIмур кьини хьусса иширттая.
Диндалул объектру ххал бивгьуну махъ Республикалул бакIчинал дуруна террорданул иширттан хасну сакин бувсса оператив штабрал заседание. Ваний гьуртту хьуна властьрал органнал, ихтиярду дуруччай блокрал ва муниципалитетирттал каялувчитал.
Заседаниялий ххал бивгьуна кьинилул масъалартту, миннувух – зараллу бивминнан кумаг баврил хIакъиравуссагу, дуруна тапшурлугъру.
Заседаниялул ахирданий Сергей Меликовлул жавабру дуллуна журналистътурал суаллахьхьун.
