Кулпатрал шинан хас дурсса мероприятиярттал лагрулий ЦIуссалакрал райондалул КIулшиву дулаврил управлениялий хьунни мукьва ва ххишаласса оьрчIру бусса, дуккаврил ххуллий хъунмасса захIмат бивхьусса педагогтуращалсса хьунабакьаву.

Кулпатру буруччаву ва кулпатирттал рувхIанийшиву кьадру-кьиматрай думур ядаву мурадрай Аьрасатнал Президентнал гьашинусса шин Кулпатрал шинну баян бунни.
Хъунмур оьрму оьрчIан кIулшиву ва тарбия дулаврин хас бувсса, республикалул ва региондалул даражалийсса конкурсирттай, олимпидарттай хьхьичIунсса кIанттурду бувгьусса дуклаки оьрчIру хIадур бувсса учительтурал захIматран лайкьсса кьимат бишлай, ДР-лул КIулшиву дулаврил ва элмулул министерствалул чулухасса Барчаллагьрал чагъарду буллунни вайннан.

Имара Саидова