МахIаммадлул душ Илиясова Аьтiикат
Вай гьантрай жуятува лавгунни ххуйсса кулпатрал заллу, Хъунайннал шяраватусса МахIаммадлул душ АьтIикат. Читтурдал жалин, Надир Илиясовлул кулпат.
АьтIикат бия хъамал ххирасса, дакIгу, аьмаллугу ххуйсса, мачча-гъанцириннаву, кIулцириннаву бусравсса хъамитайпа. ИширачIа чIарав бацIайсса, цуманан ци хъиншиву дуван хъинавав тIисса бия. Надирдул ва АьтIикатлул, лайкьсса тарбиягу дуллуну, чивун буккан бувссар шама арс, вайннал оьрчIру.
Язисса арснацIа хьусса хажалатгу духIан багьуна, арсурваврацIа хьусса ниттихъавух яхI бувссия ванил.
АьтIикат ахиратрал хьусса кьинигу, хъирив гьантрайгу жижара бан бувкIсса инсантал чIявуя, ванил бусравшиву чIалай дия. Ва дунияллия лагаврил кьурчIишиву кIидачIлай буру арсваврахь Арсеннухь ва Тимурдухь, вайннал наслулухь, мачча-гъанминнахь.
АьтIикатлун алжан нясив баннав, махъминнал оьрмурду лахъи баннав!
Читтурдал жямат
Ибрагьимлул арс МахIаммад Жабраилов
Вай гьантрай жуятува личIи хьунни ххаллилсса лаккучу, хIурмат лавайсса тухумрал арс, ГьувкIратусса Ибрагьимлул арс МахIаммад Жабраилов.
МахIаммад увну ур увну ур 1957 шинал Лакрал райондалийсса ГьувкIурдал шяраву. Юстициялул генерал-лейтенант, Аьрасатнал Федерациялул паччахIлугърал 2-мур классрал маслихIатчи МахIаммад Жабраилов зий уссия Дагъусттан Республикалийсса АьФ-лул Юстициялул министерствалул управлениялий.
Шикку зузисса хIаллай бусравну уссия каялувчитуран ва архIал зузиминнан. ЗахIматрал ххуллий лайкь хьуссар АьФ-лул Юстициялул министерствалул чулухасса ХIурматрал грамотарттан, медальлан ва орденнан.
МахIаммад ия аьчухсса, хIалимсса хасиятрал заллу, оьрчIан дазу-зума дакъа ххирасса ппу, кулпатраха, уссур-ссуннаха аякьалийсса, щала тухумрал ттарцI хьусса инсан. Ия ас-намус бусса, захIмат ххирасса, цала махъ бацIан байсса адамина.
МахIаммад ахиратрал шаврил кьурчIишиву кIидачIлай, жижара буллай буру ванал кулпатрахь, Сарат Аьбдуллаевнахь, арсурваврахь, душнихь, ссурваврахь ва махъсса цинявппа мачча-гъанминнахь.
Бунагьирттал аьпа баннав, гьав нурданул дуцIиннав, алжаннул ххари аннав.
Мариям Илиясовал цIанийсса ихIсандалул «Дараччи» фонд
Барчаллагьрай буру
Октябрьданул 10-нний, оьсса кьадарданул яла лавсунни жул, Вихьлиятусса ХIаммадил ва ГьунчIукьатIрал шяравасса Гулизардул арс Сяид.
Школагу ххуйну къуртал бувну, дан-дитанмунилсса буллай, узданну оьрму бутлай уссия ва. Ххирая ва лагма-ялттунангу даркьусса хасиятрацIун, ас-намусрацIун, инсантуран кумаг бан хьхьичIун личаврицIун ва дакIнил хъиншивруцIун. Аргъирайсса жагьил дунияллия лавгунни хияллал дурцIусса дакIнищал, барткъалавгсса мурадирттащал…..
Сяид цуксса гьарцаннан хIурматрайгу, бусраврайгу ивкIссарив исват хьунни ва ахиратрал ххуллийн тIайла уккан шяраваллавагу, шагьрурдаягу бувкIсса махлукьатрайну. Му жун, кулпатран, хъинну бусрав хьунни, бювххунни.
Кулпатрал, цинявппа мачча-гъаннал цIания дакIнийхтуну барчаллагь тIий буру, ва духIан захIматсса кьурчIишиву кIидачIин жучIан бувкIцириннахь. Зул аьрххи-ххуллу ххаришиврийн бакъа къабагьаннав, хъинмур, ххуймур бакъа къахьуннав, зул оьрмурдай барачат бишиннав.
ХIурматращал
Рамазановхъал кулпат
