Аьлибаглул арс Абусупиян МахIамаев
Уттигъанну, захIматсса цIуцIаврища ххассал къавхьуну, ахиратрал хьунни Ваччиял жяматрал дянив бусравсса, чумартсса чув-адамина, Ваччиял куяв, Аьлибаглул арс Абусупиян МахIамаев.
Увну ур Абусупиян 1938-ку шинал Лаващиял райондалийсса Кутишиял шяраву. Ванал захIматрал биография хъунмурчIин бавхIусса бур Каспийскаллал заводрацIун, токарьнал пишалия айивхьуну, цехрал начальникнал къуллугърайн ияннинсса. Даврил коллективрал дянивгу ва ивкIссар хъунмасса кьадрулий ва кьиматрай. Цала агьлу-авладран, дустуран, гьалмахтуран Абусупиян ия цIакьсса чIарахацIугу. Ва ия гьарца даймуниву, дитаймуниву итххявхсса, жаваблувшиву ххишаласса инсан.
ДухIан захIматсса кьур­чIи­шивугу кIидачIлай, дакIнийх­тунусса жижара буллай буру ванал кулпатрахь КIукIухь, оьрчIахь Муслимлухь ва МахIам­мадлухь, душнихь Мадинахь ва махъсса цинявппагу гъан-маччанахь, кIулцириннахь.
Абусупияннул рухI рахIат­ний дишиннав, махънал оьрмурдай барачат бишиннав, алжаннул ххари аннав.
Ваччиял жяматрал цIанияту Давди Увайсов

Хъуннасса кьурчIишивугу кIидачIлай, жижара буллай буру Штанчаева Жавагьихь, ванил ххирасса нину
Магинур
аьпалул шаврийн бувну.
Имандалийсса бивкIу хьуннав, ниттил рухI чаннаний, чурх куклуний хьуннав, ванил барачат махъ ливчIун лякъиннав.
Гъумучиял школалий Жавагьищал ца классраву дуклай бивкIминнал цIания Бадрижамал Аьлиева