ХIасаннул арс СантIуев Башир
Хъинну бювххунни жунгу чаннасса дакIнил, марцIсса пикрилул ва ларайсса тарбиялул заллу, Цалчинмур ЦIувкIратусса ХIасаннул арс СантIуев Башир дунияллия лагаврил хавар. Цуксса кьурчIинугу, инсаннал кьадру багьайкун кIул шай га дунияллия лавгун мукьах. Дагъусттаннал тарихраву агьамсса кIану бугьлагьисса ЦIувкIуллал шяраваллил чул бищай ттарцI, тухумрал чIюй-къала ия Башир. ЯхI-къириятрал, аьдатирттал гьанулул чару кунасса ия. Чумартсса, хъамал ххирасса, хъярч-махсара усттарну бан кIулсса ва дакI тIиртIусса ия. Кулпатран, тухумран, дустуран, гьалмахтуран Башир ия цIакьсса чIарахацIу. Циняв мачча-гъанцири, дустал аякьалийн лавсун икIайва, гьарнах къулагъас дувайва. Шяраваллил жяматран кунна, «Дараччилул» душваврангу хъуннасса дард-хажалатри БаширдуцIа шаву.
Кулпат Эленнухь, ниттирссу ПатIиматлухь, ссурахъу Зинаидахь, махъсса уссур-ссуннахь, гъан-маччаминнахь ва щалагу ЦIувкIуллал жяматрахь жижара буллай, дакIнийхтуну кIидачIлай буру Башир дунияллияту лагаврил кьурчIишиву. Алжаннул ххари аннав, рухI хъинний дишиннав, махъминнал оьрмурду лахъи баннав!
М. Илиясовал цIанийсса «Дараччи» фондрал цIанияту Гульшан Хасаева
Виричу МахIаммадлуха
Къума-цIан хаварданул
Циняв банд лаган бунни,
Щащарнил ужагъирайн
ЛухIи хавар бивунни,
АхIмахъал МахIаммадлул –
ЧIяйннал жяматрал арснал,
Тархъаншиврухлу талай,
Жан пида дунни тIисса.
Ина хIучI къаувкунав
Дяъвилул цIаравун гьан,
Дуну тIий хъазамраву
Виричунал къюкI ришлай.
Ниттийн оьвчайва ина,
Пикри мабару куну,
Ххувшавугу ларсуну,
Зана хьунна увкуну.
АьматIра, ххира нину,
Ссавур дувара, ссурвал,
БивкIу бакъасса ххуллийх
Лавгссар жула Виричу.
Даеннав ва дуниял,
Битаннав чаннасса баргъ,
Вай вирттаврал гьаттардий
Хъя чиннав ятIул тIутIив!
Арсен Аьбдуллаев,
ш. ЧIяйми
ДакIнийхтунусса кьурчIишивугу кIидачIлай, жижара буллай буру жула дарил уртак, Набиуллагьлул душ Шурахь, ванил уссу Карамлухь, вайннал ххирасса уссу
Камал
чIун дакъасса бивкIулул жуятува личIи аврийн бувну.
РухI хъинний дишиннав, алжаннул ххари аннав. Ванан къабуллусса оьрму махъминнан булуннав.
ГьунчIукьатIрал школалул коллектив
ва Мариян Илиясовал цIанийсса «Дараччи» клубрал ГьунчIукьатIрал шяравусса филиалданул душру
