Ккуллал райондалий тIивтIунни кIива ламу ва жяматран бигьалаглансса кIива мюрщи багъ.
Декабрьданул 4-нний Ккуллал райондалий шадлугърал тагьарданий тIивтIунни кIива ламу.
Ламу тIитIин бувкIунни ДР-лул ХIукуматрал Председательнал 1-ма хъиривчу ХIажимахIаммад ХIусайнов, ДР-лул транспортрал ва ххуллул хозяйствалул министр Ширухан ХIажимурадов, ДР-лул БакIчиначIасса Хъунисриннал советрал Президиумрал член Рапи Абакаров.
Микку махъ лахълай, райондалул бакIчи Шамил Рамазановлул увкунни: «Ва хъунмасса, дакI ххари дуллалисса ишри жул райондалун. Махъсса кIира шинал лажиндарай райондалий щириркIуну най дур ххуллурду бакьин баврил, ламурду баврил, агьалинан бигьалаглан къулайшивуртту дуллалисса давуртту. Му жун бунияласса байранни. Ми давуртту дуллай бур республикалул каялувчинал ва мунал лагма лавгминнал.
На барчаллагь тIий ура ламурду бувминнахь».
Райондалул жямат барча буллалисса ихтилатру бунни хъамаллуралгу. Миннал бакIрайн лавсунни 2020 шинал Ваччату республикалул дязаннивсса районнащал дахIаву дуллалисса ххуллурду буван, асфальтгу бавкьуну. Миннал мукунма бувсунни ШавкIрату Ккуллал райондалул чулинмайсса ламугу 2021 шинал бувну чулийн буккан бувантIишиву.
Гара кьини Вихьлив ва Хъусращиял шяраву тIивтIунни жяматран бигьалаглансса 2 мюрщи багъгу.
ХIадур бувссар
ХI. Аьдиловлул
