ШавкIуллал школалийгу хьунни аьралий хIакин Давид Учуевлущалсса хьунабакьаву.
Ванал бувсунни цала оьрмулия, школалийсса ва Дагъусттаннал паччахIлугърал медициналул академиялувусса дуккаврия, даврил ххуллия, Катастрофардал медициналул центрданийсса бортхирургнал даврия, коронавирусрал пандемиялул чIумал «ятIул зоналуву» бувсса захIматрая, СВО байбивхьувкун, цала хушрай аьралийтурал оьрмурду ххассал буллан лагаврия.
Дуклаки оьрчIал, аьралийчунах личIлулну вичIигу дирхьуну, цIувххунни аьралий шартIирдаву анаварсса кумаг баврия, ваницIун дархIусса захIматшивурттая.
Щак бакъар, аьралий хIакиннащалсса ихтилатрал оьрчIал дакIурдиву билаятраясса ва ватанлувтураясса пахрулул асарду кьабивтшиврийн. Вай асардал тIурча, Ватандалухсса ччаву тарбия дантIишиврийн – Учуевлул эбратрай оьрчIан ккаркссар хIакьсса виричунал сипат.
Зулайхат Тахакьаева
