Апрельданул 18-нний МахIачкъалалив Лениннул Комсомолданул цIанийсса паркиравусса Аьраличу-тархъан бувул гьайкалдануцI ва Вирттаврал аллеялий тIутIив дирхьунни ДР-лул Халкьуннал Мажлисрал председатель Заур Аскандаровлул ва Аьрасатнал личIи-личIисса субъектирдал парламентирттал делегациярттал, Халкьуннал Мажлисрал депутатътурал, республикалул хъамаллурал, исполнитель властьрал представитель органнал ва жагьилтурал сакиншиннардал вакилтурал.
Паркиравун бувкIминнал, монументрацI тIутIивгу дирхьуну, Буттал кIанттул цIанийсса Хъунмасса дяъвилий жанну дуллуминнал аьпалул хIурмат бунни минутIрайсса пахъ багьаврийну.
Акция хьуссар Дагъусттаннал парламентран 30 шин шаврил шадлугъирттал программалул агьамсса бутIану ва Бюхттулсса ххувшаврил 80 шинал юбилейрал хьхьичIсса гьантрай Ватан тархъан дувултрал гьунардал хIурматрал лишанну.
ХIасан Аьдилов
