Октябрьданул 4-нний Ккурккуллал школалий хьунни Учительнал кьинилун хас дурсса мероприятие.
Байрандалун лавхьхьуну чIюлу бувну бия школалул зал. ЧIирттайн лавхъун бия учительтал лахъа-хъун буллалисса, миннал захIматран кьимат бишлашисса махъру. Шиккун бувкIун бия учительтал, дуклаки оьрчIру, нину-ппу.
ОьрчIал барча бунни цала учительтал пишалул байрандалущал, бувсунни ва кьинилул тарихрая, дурккунни учительтуран хас дурсса назмурду, увкунни балайрду, ккаккан дунни школалул оьрмулиясса хIазсса инсценировкартту.
Андриана Аьбдуллаева