Ва ххал дан бувкIун бия школалул каялувчитал ва учительтал, оьрчIал нину-ппу, культуралул къатлул зузалт.
Шикку гьуртту хьун бувкIун бия Шагьимарданнул душ Аьзизагу. ТIиртIу дарс хIадур дурну дия ингилис мазрал ва музыкалул учительницал, цуппагу Акниевлул ученица, Аьйшат Бариевал. Дуклакисса шиннардий ва Шагьимардан Къазахъилаевичлул хорданувугу балай тIий бивкIун бур. 1982-ку шинал Дагъусттаннал педагогикалул институтгу къуртал бувну, зун бивкIун бур, цал Хъунайннал школалий, 90-ку шиная шихунмай – Хьурттал школалий.
Цуппа учительну зун бивкIния шинмай Аьйшат ХIажиевна дуклаки оьрчIан Шагьимарданнул балайрду лахьхьин буллай бур. Школалий дуллалисса мероприятиярттай цилагу ванал балайрду учай.
Ва ххуллухь цила учительнан хас дурну дирхьусса дарсгу Аьйшат ХIажиевнал лавайсса даражалий хIадур дурну дия. Учительницал бувсунни Шагьимарданнул оьрмулул ва захIматрал ххуллия, цилагу, дуклаки оьрчIалгу щаллу бунни ванал мукъурттийсса ва макьаннайсса балайрду.
Андриана Аьбдуллаева
