Дагъусттаннал экономикалул министр ХIажи Султанов:
«Дагъусттаннал бакIчи Сергей Меликовлул тIайланнасса линия хъанахъиссар властьрал органнал региондалул ялапарлувтуращалсса ихтилатрал агьамсса ярагъну (инструментну). Инсантурал лабизавурттайну бюхълай бур ччясса мутталий кIул хъанан захIматсса масъаларттащал ва миннуцIун кумаг буллан.
Ххал бивгьунни агьалинан гьарца кьини тIалавсса масъалартту: хIаллихшинну бигьа ва ххуй даву, инфраструктура цIу дуккан даву, транспортрал бутIа лябуккан баву ва багьайсса куццуй энергиялул дузал баву.
ЦIуссалакрал мурчай электростанция – цIанасса чIумул проектри, мунил цIакь дуллалиссар региондалул энергетикалул мюхчаншиву. Логистикалул бутIуву агьамссаннун ккаллисса проект хъанахъиссар Дагъусттаннай оптово-распределительный центр «Оzon» тIитIаву. Ва проектрайну ччясса чIумуй дучIайссар ялапарлувтурал тIалав дурмур, ишбажаранчитуран тIитIлатIиссар машлул каналлу национал даражалий, дузал буллалиссар цIусса зузи кIанттурду, ялун ххи дурсса транспортрал тIалавшинну ва цаймигу.
Сергей Аьлимовичлул тIайлану кIицI бунни, бизнес лядуккан дуваншиврул аьркинну дур шагьрулул ялапаршиндарацIун жаваблувсса ара дуну: ишбажаранчитуран цалла давуртту гьарта-гьарза дуллалийни аьркинну бушиву дузрайн буккан буллан лагмасса кIанттурду, дузал буллан агьали бигьалаглансса кIанттурду.
ТIайланнасса линиялул уттигу цал исват бунни агьамми масълартуну личIлай бушиву инсантурал оьрмулул даража лахъ баву».
Дагъусттаннал шяраваллил хозяйствалул ва бакIлахърулул министр Шамил Рамазанов:
«ТIайланнасса линиялий Дагъусттаннал бакIчи Сергей Меликовлул къулагъас дурунни шяраваллил хозяйствалул бакIлахъру зана-кьала даврил масъаларттах, микку тIайлану кIицI бунни цIусса производствартту дузал давриву хъунмур кIану инвестортурал бугьлай бушиву.
ЖучIара дузал дурну дур инвестортурацIун кабакьаврил ва гъира бутаврил мюнпатну зузисса система. Миннавунгу гъира багьай бакIлахъру зана-кьала даврил бутIуву зун. Вана яргсса мисаллугу: МахIарамкантуллал райондалийсса Консерварттал завод ООО «ПОШ», Будун Будуновлул цIу буккан бувсса КIикIуниннал ва ЧиркIатIиял консерварттал заводру. Ванал пикри бур Къизилюртуллал райондалий дузал дуван лавайсса даражалул технологиялул производство.
Ва агьамсса бутIувун инвестицияртту дучIан даврил даву уттигу дуллайнма буссару. ЦIанасса ппурттуву ххал бигьлай бур Сулайман Стальскийл райондалийсса Консерварттал завод цIу буккан баврил масъала. Тикку махъсса шиннардий «Полоса» ООО-лул багъру бувгьуну бур 3500 гектарданий. Мукунма жул пикри бур инвестицияртту дучIан дуван Гъуниннал райондалийсса «Дружба» ООО-лий давуртту цIу дуккан даврин, УнцIукIуллал райондалийсса «Аракани» СПоК-раву давуртту дуллан», – увкунни Шамил Рамазановлул.
