Декабрьданул 15-нний ЦIуссалакрал райондалул администрациялий райондалул бакIчи МаматIи Бижаев хьунаавкьунни «Память гор» тIисса Дагъусттаннал региондалул жяматийсса организациялул СВО-лул Ветерантурал ассоциациялул вакилтуращал.

Шикку гьуртту хьунни райондалул бакIчинал хъиривчутал Султан ХIамзатов ва Макьсуд ХIамидов, ЦIуссалакрал райондалул ОМВД-лул хъунаманал хъиривчу, полициялул майор Рамил Бахулиев, операционный взводрал хъунама, ЦIуссалакрал райондалул СВО-лул ва «Память гор» ДРОО-лул Ветерантурал ассоциациялул правлениялул председательнал хъиривчу Ислам Саиев, Ассоциациялул член Вахирсултан Байбатиров.

Ислам Саиевлул буллунни Ассоциациялул каялувчи МахIач Шамиловлул чулухасса Барчаллагьрал чагъарду МаматIи ХIамзатовлун, Султан ХIамзаев, ЦIуссалакрал райондалул ОМВД-лул хъунама, полициялул подполковник АхIмад Щайховлун, ванал хъиривчу, полициялул хъунама, подполковник Бадави Чариновлун, Рамил Бахулиевлун, райондалул ОМВД-лул уголовный розыскрал отделданул хъунама, полициялул подполковник Ислам Аьлиевлун.

Ва иширалгу исват бунни райондалул администрациялул хасъсса аьралий операциялул гьурттучитуран хъунмасса кумаг буллай бушиву.
Ислам Саиевлул кIицI лавгунни райондалул администрациялул ва жяматийсса организациялул хIала-гьурттушиврийну хъунмасса кумаг хъанай бушиву ветерантуран.

Андриана Аьбдуллаева