ЦIуссалакрал райондалул школардай хьунни дуклаки оьрчIру терроризмалул идеологиялул хъяврин къабаву мурадрайсса профилактикалул мероприятияртту: классрал ссятру, лекцияртту. Ккаккан дунни видеороликру, бунни дюъ дихьлахьисса ихтилатру. Мероприятиярттай гьуртту хьун оьвкуну бия полициялул зузалтрайнгу.

Вайннал бувсунни дуклаки оьрчIахь экстремизмалийн ва терроризмалийн къарщи бацIаврия, ва журалул тIулдакъашивурттахсса административ ва уголов жаваблувшиндарая.
Мероприятиярттай гьуртту хьун оьвкусса диндалул вакилтурал бувсунни оьрчIахь исламраву кьиматраймуния, нитти-буттал, оьрмулул хъуниминнал хIурмат бан аьркиншиврия, бувсунни ичIува, школалий, жяматийсса кIанттурдай цукун занакьулу хъанан аьркинссарив.
Андриана Аьбдуллаева