Щалагу Аьрасатнаву нанисса «Наш мир без террора» тIисса акциялул лагрулий Дагъусттаннал Росгвардиялул управлениялул «Горец» ОМОН-далул зузала Р.Рустам хьунаавкьунни олимпий резерврал спортрал школалул оьрчIащал.

Мероприятиялий гьуртту хьунни школалул директорнал хъиривчу Рамазан Шяъванов, Дагъусттаннал МуфтиятрачIасса просвещениялул отделданул зузала ХIасан Нугаев, Дагъусттаннал Виваллил иширттал министерствалул балугъравун къабивсса оьрчIал иширттаха зузисса инспектор, полициялул хъунама лейтенант ХIажи ТIагьиров.
Росгвардиялул зузалал бувсунни оьрчIахь терроризмалия, ихтиярду дуруччай органнал зузалтрал терроризмалийн къарши бацIаву мурадрай цукунсса давуртту дуллай буссарив. ОьрчIахь мукунма бувсунни Росгвардиялул зузалтрал ва аьралийтурал хасъсса аьралий операциялийсса гьурттушиннарая, къуллугърал буржру бартбигьлай миннал ккаккан дуллалисса чувшиврия. Полициялул майор Р.Рустамлул балжину бувсунни Росгвардиялул кьюкьравун кьамул буллалиминнаясса тIалавшиннардая. ХIаписарнал чIа увкунни оьрчIан дуккаврил ва спортрал ххуллий хьхьичIуннайшивуртту. Тренертурал ва оьрчIал барчаллагь увкунни мероприятиялий гьуртту хьуминнахь ялун нанисса ник тарбия даврил цIаний бихьлахьисса захIматрахлу.
Бавцусса машина лявкъунни

Каспийскалий Росгвардиялул вневедомственный къаралданул зузалтрал лявкъунни бавцуну бивкIсса машина. Патрульданийсса зузалтрайн леххаврил сигнал дуркIун дур «Глонасс» системалия . Леххаву дуркIсса «LADA VESTA» Дагъусттаннал ца лизинговый компаниялул машина бур. Адресрай бувкIсса экипажран лявкъунни машина строительный рынокрая арх бакъасса кIанттурдай кьабивтун. Компаниялул вакилнал бувсунни машина бакъа хьуну цаппара гьантри хьушиву. Хъиривлаявуртту дан, ва Виваллил иширттал министерствалул зузалтрахьхьун буллунни.

Андриана Аьбдуллаева