ЛичIи-личIисса миллатирттал жагьилтуравух, Ватандалул мурадру буручлай СВО-рай талай ур ЦIуссаккулатусса Рамазаннул арс Руслан Рамазановгу.
Хасъсса аьралий операция байбишайхту Руслан цала хушрай лавгссар талан. «Ахмат» спецназрал Восток батальондалувух лавгссар Донецкаллал чулийн, разведчикнугу ивкIссар.
Аьрасатнал Федерациялул Минобороналийн увккун, къуллугъ буллан ивкIссар 150-мур дивизиялул взводрал командирну.

Ттинин Курскалийгу ивкIун, цIанасса чIумал Руслан Рамазанов цалва аьралий бигарду биттур буллай ур Луганскаллал областьрай.
Русланнул наградарттавух дур «За храбрость» 2-мур ва 1-мур даражарттал медальлу, Донецкаллал Халкьуннал Республикалул 4-мур даражалул «За храбрость» медаль, Аьрасатнал Федерациялул Минобороналул медаль ва Луганскаллал Халкьуннал Республикалул «Доброволецнал» медаль.

Бадрижамал Аьлиева