Ватан дуруччул шинан хасну дуллалисса мероприятиярттал лагрулий Росгвардиялул управлениялул «Горец» ОМОН-далул зузалтрал экскурсия бунни Р.П.Аскерхановлул цIанийсса Дагъусттаннал медициналул колледжрал студентътуран.
Байбихьулий студентътал кIул бунни подразделениялул тарихращал. Отрядрал зузала, полициялул майор Ш.ХIажирамазаннул оьрчIащалсса ихтилатраву кIицI лавгунни гьану бивзния шийнмай «Горец» ОМОН-далул зузалт, агьалинал мюхчаншиврул къаралданий бавцIуну, терроризмалущал ва экстремизмалущал талай бушиву, республикалий ва республикалул кьатIув буручлай бушиву Ватандалул мурадру. ХIаписарнал бувсунни цала зузи кьинирдая, къуллугърал бурж бартбигьлай чувшиврий жанну дуллусса даврил уртакьтурая.
Хъирив оьрчIан ккаккан дунни ярагъуннил ва хасъсса техникалул выставка. Росгвардиялул зузалтрал балжину бувсунни ккаккиялун бивхьусса ярагърая. ОьрчIан мукунна ккаккан дунни ОМОН-далул аьралийтурал экипировка.
Хъамал бувцунни хасъсса подразделениялул кинологиялул ва спортрал городокирттайн. Студентътурахь бувсунни Росгвардиялул спецподразделениярттаву зуншиврул ци нормативру дулун аьркинссарив.
Колледжрал директорнал маслихIатчи Сапият МахIаммадовал барчаллагь увкунни Росгвардиялул управлениялул каялувчитурахь ва отрядрал командованиялухь ххаллилсса мероприятиялухлу ва ялун нанисса ник Ватан ххирану тарбия даврил ххуллий бихьлахьисса захIматрахлу.
Андриана Аьбдуллаева
