Ттун зухь бусан ччай бур ШавкIуллал шяраваллил ва аьмну Дагъусттаннал тарихрацIун бавхIусса агьамсса иширая. Зул хьхьичIун ларсъсса ва сурат – XVIII-мур аьсрулул канихчичрурдал луттиравасса лажинни, Дагъусттаннал аьлимчунал каних чирчусса. Ва итабавкьусса лу бакъар, вай лахьхьин дуллалисса канихчичрурдур.

Вай чичрурду хъирив лавну лахьлай бивкIссар шиннардил лахъишиврий. Ялун ххи бансса бухьурчагу, ххи буллай, хутIливун дагьан дуллай. Вай канихчичрурдаву дур кIулшивуртту ва мяърипат цIакь даву маслихIатрайсса, мукунна цIакь хьусса захIмат-жапасса аьдатру даххана, дакьин дувансса маслихIатрайсса чичрурду.

Мисал буцлай, автор ур исламрал машгьурсса аьлимчу, Яманинава цалва кулпатращал ва учениктуращал Дагъусттаннайн ивзсса Саэд АхIмад ал-Яманинал оьрмулия буслай.
Ва аьрабнал источникрай тIайланма кIицI лавгун бур Саэд АхIмадлул кулпат ШавкIратусса бивкIшиву. Гихунмай текстраву бувсун бур, ва Гъази-Гъумукун увкIукун, цаппарасса заралсса аьдатирттайн къарщи уклай ивкIшиву, амма ванан цала оьрмулул опытрай бувчIушиву общество ччяни даххана дуван къашайшиву. Ванал кулпатраву хъанахъисса иширтталгума ккаккан бувну бур та чIумул аьдатру гужсса диркIшиву.

Текстрал ахирданий автор хIасиллу дуллай, чIурчIав дуллай ур: инсантурал пикрирду баххана баншиврул так кьянкьасса къадагъартту къагьашиврий, хъуннасса ссавургу, та ппурттувусса оьрмулул шартIругу хIисавравун ласун аьркиншиврий.
Гьаннайсса, вай канихчичрурдал кьимат лахъссар, XVIII-мур аьсрулул аьрабнал источникрай ШавкIуллал шяраваллил цIа хъунасса исламрал аьлимчу Саэд АхIмад ал-Яманинал цIаницIун дархIуну кIицI ларгун дуну тIий.

Давуд Тумалаев
Таржума
ПатIимат Рамазановал