Шамил Рамазанов ивтунни Дагъусттаннал шяраваллил хозяйствалул ва бакIлахърулул министрну. Ванал хIакъиравусса хIукмулий къулбас дунни республикалул бакIчи Сергей Меликовлул.

Шамил Рамазанов зий ивкIссар Ккуллал райондалул каялувчину.
Уттинин министрнал буржру бартбигьлай ивкIсса Зураб Куччаев зана хьуну ур цува хьхьичIва зий ивкIсса министрнал хъиривчунал къуллугърайн.
Шамил Рамазанов увссар 1992 шинал декабрьданул 10-нний МахIачкъалалив. Ванал къуртал бувссар Дагъусттаннал Шяраваллил хозяйствалул академиялул «Технология производства и переработки сельскохозяйственной продукции» факультет, 2006 шиная 2017 шинайннин дарсру дихьлай ивкIссар гава вузраву. 2016 шиная 2018 шинайннин зий ивкIссар «Учебно-опытное хозяйство» ОАО-лул генеральный директорну. Щяраваллил хозяйствалул элмурдал кандидатри. Ккуллал райондалул бакIчи хьуссар 2018 шинал.
ХI. Аьдилов

Редакциялул чулуха дакIнийхтуну барча буллай буру цIусса къуллугъ.
ЧIа тIий буру цIуллушиву, гьарца дуллалимуниву тIайлабацIу.