Вай гьантрай Дагъусттаннал бакIчи Сергей Меликов зий ия республикалун актуалсса масъаларттан хасъсса властьрал федерал органнаву. Январьданул 22-нний региондалул бакIчи хьунаавкьунни Экологиялул, технологиялул ва атомрал надзорданул (Ростехнадзор) федерал къуллугърал каялувчи Александр Требицкийщал.
Хьунабакьаврий ххал бивгьунни ссутнил ва кIинтнил чIумалсса агьалинал ялапарлувшиндарал масъалартту, региондалул шяраваллавун газ буцаврил, мукунма федерал паччахIлугърал надзорданийсса объектру цIу буккан баврил хIакъиравусса масъалартту.
Сергей Меликовлул бувсунни Ростехнадзорданул даврил агьамшиврия региондалул лябуккулуцIун дархIуну дуллалисса давурттугу хIисаврайн ларсун. ЛичIинурасса къулагъас дунни энергетикалул объектирдай ва ххуллурдал чIаравсса инфраструктурардал мюхчаншиву щаллу даврих. Ххал бивгьунни строительствалул надзорданул, инфраструктуралул проектру бартдигьавривух гьуртту шаврил масъаларттугу.
КIиягу рязишиврийн бувкIунни хIала-гьурттусса давуртту чялиш дуккан даврил, Дагъусттан лябуккан баврил ва мунил ялапарлувтурал мюхчаншиву щаллу даврил хIакъираву.
ХIадур бувссар ХI.Аьдиловлул
