Реванш хьунтIий дур Москавлив
RAF-лул полутяж кIушиврул даражалий Кайл Снайдердул цала ярглийсса титул дуруччинтIиссар гьашину сентябрьданул 5-нний Москавлив хьунтIисса турнирданий, американчунал муттаэ хьунтIий ур аьрасатлув АхIмад Тажуттинов.
ЛачIунбуккултрал дянив хьунтIиссар реванш. Вайннал дянив бяст-ччал хьуссар илкинсса мухIулттул цIаний гьашину мартрай RAF-7 турнирданий, та чIумал ххув хьуссар Снайдер, счет 3-3 хьунугу.
Тания махъ Тажуттинов лачIун къаувкссар RAF-лул турнирданий, Снайдердул тIурча, ялагу шамийла дурурччуссар чемпионнал мухIлу, Ризабек Айтмуханнуяр, Гиви Мачарашвилияр ва Аьбдурашид Сяъдуллаевлуяр ххув хьуну. Аьбдурашидлул никирай цIунцIия хьуну диркIссар, мунияту миннал дянивсса бяст-ччал бацIан бувну бивкIссар, Снайдер ххув хьушиврун ккалли увну.
23 шинавусса АхIмад Тажуттинов (дагъусттанлуври), хъанахъиссар 2023 шинал лачIун буккаврил дунияллул чемпион ва 2024 шинал Олимпий тIуркIурдал лачIун буккаврил мусил медаль ларсма. Мукуна ва ххув хьуссар 30 шинавусса Кайл Снайдердуяр 2023 шинал Белгородрай хьусса дунияллул чемпионатрай. Снайдер ххув хьуссар 2016 шинал хьусса Олимпиадалий ва мукьийла ххув хьуссар дунияллул чемпионатирттай, миннувух дукIу Загреблив хьусса дунияллул чемпионатрайгу.
ХIасан Аьдилов