Дагъусттаннал Росгвардиялул управлениялий хьунни Росгвардиялул аьралий хIадуршиннарал подразделенияртту сакин хьуну 110 шин шаврин хас дурсса шадлугърал даражалийсса мероприятияртту.
Шикку гьуртту хьунни Дагъусттаннал Росгвардиялул управлениялул хъунаманал хъиривчу полициялул полковник Сакрат МахIаммадбагов, кIанттул управлениялул хIадуршиннарал подразделениярттал пишакартал. Мероприятие дайдирхьунни къуллугърал бурж бартбигьлай жанну дуллусса хасъсса подразделениярттал зузалтрал гьайкалдануцI тIутIив дишаврийну. Баян бунни минутIрайсса пахъ багьаву.
Хъирив «Горец» ОМОН-далул клубраву зузалт барча бунни кIанттул управлениялул хIа
дуршиннарал группалул каялувчи подполковник Альберт Меликовлул. Ванал бувсунни Росгвардиялул аьралий хIадуршиннарал подразделениярттал тарихрая, кIицI лавгунни ми мудангу цала бигарду бартбигьин хIадурну бушиву.
Подразделениярттал зузалт пишалул байрандалущал барча буллалисса ихтилат бунни Сакрат МахIаммадбаговлулгу. Ванал дурккунни Аьрасатнал Национал гвардиялул Федерал къуллугърал каялувчитурал чулухасса ва цаймигу барча бавуртту.
Къуллугърал буржру хьхьичIунну бартбигьлагьисса зузалтран дуллунни ХIурматрал грамотартту, Барчаллагьрал чагъарду ва бахшишру.
